EUSKOAREN ARAUDI NAGUSIA

Euskal Monetako eta euskoaren sareko kide bilakatuz, ondoko puntuen alde engaiatzen naiz:

• Ekonomia berriz hona ekartzearen eta hemengo dinamiken alde, hemengo produkzioei eta hurbileko saltegiei eman lehentasunari esker, bai herrietan, bai hirietan.
• Euskararen alde.
• Hemengo saltegien, enpresen, elkarteen eta ekoizleen arteko elkartasunaren alde.
• Jokabide sozialagoen eta ekologikoagoen alde.
• Sozialki edo ekologikoki arduratsuak ez diren jokabideen kontra, eta bereziki:

• Banatzaile handien sareetan diren enpresen kontra, garatzen duten ereduarengatik; izan ere, eredu horrek enplegua, harreman soziala eta baliabideak suntsitzen ditu.
• Ingurumenean kalte handiak eragiten dituzten enpresen kontra, ez baldin badute kalte horien konpontzeko gogorik erakusten, nahiz eta hobetzeko bideak badiren.
• Laborantza industrialaren edo lurrari lotua ez zaionaren kontra.