Zure euskoak nola erabili?

Zure euskoak erabiltzeko eta % 5eko komisioa ez ordaintzeko, aterabide anitz badituzu:

  • Hemengo beste hornitzaile batzuei dei egiten ahal diezu: 300 baino gehiago badituzu, Euskoaren aurkitegian (Eskuz Esku hemen eskuragarri).
  • Zure oraingo hornitzaileei proposatzen ahal diezu Eusko-sarean sartzea, eta galdegiten ahal diguzu haien ikustera joan gaitezen, proiektuaren aurkezteko.
  • Zure lansariaren edo gastu profesionalen parte bat ere euskoz ordaintzen ahal duzu eta zure langileei proposatzen ahal diezu berdin egitea.
  • Sareko beste profesionalek euskoz egiten dizkizuten ordainketak 500 euskotan mugatzen ahal dituzu, faktura bakoitzeko edo hilabete bakoitzeko (baina partikularrek euskoz egiten dizkizuten ordainketak ezin dituzu mugatu)
  • Elkarrekin ohartzen baldin bagara erabiltzen ahal duzun baino eusko gehiago eskuratzen duzula, dispentsa eskaera bat aurkezten ahal diozu onespen batzordeari, sareko beste profesionalek euskoz egiten dizkizuten ordainketak 500 eusko baino gutiagotan mugatzeko (faktura bakoitzeko edo hilabete bakoitzeko), edo partikularrek euskoz egiten dizkizuten ordainketak mugatzeko (adibidez, eraikuntza alorreko enpresen kasuan).