Euskoa zenbakitan

2019ko urte hastapenean, milioi bat eusko baino gehiago ibiltzen ari dira, 3200 kide partikular badira, 820 profesionaleko sarea, 17 herri kide, bai eta Euskal Hirigune Elkargoa ere; hots, Euskoa Europako tokiko moneta nagusia da, Alemaniako Chiemgauer eta Ingalaterrako Bristol Pound moneten aitzinean.

2018ko abenduaren 31n, 1 097 280 eusko ibiltzen ari ziren (2017. urtearekin konparatuz, + % 46): 412 000 billetetan, eta 685 000 eusko-kontu numerikoetan.

Euskoaren % 3aren sistemari esker, 29 066 eusko banatu zaizkie 50 elkarteri, 2019an, 2018ko uztailaren 1.aren eta 2019ko ekainaren 30aren arteko denboraldiko.

2018an, partikularrek 795 630 eusko aldatu dituzte (heren bat billetez, bi heren numerikoz), eta profesionalek 447 120 eusko berriz trukatu dituzte eurotan. Beraz, ibiltzen ari den eusko kantitatea 350 000 euskoz emendatu da 2018an. Horri esker, 2018ko urrian, Euskoa izan da ibiltzen ari den milioi bateko marka gainditu duen lehen tokiko moneta.

Eusko-sareko profesionalen % 56k hemengo hornitzaile bat (gutienez) hartu dute, beren euskoen erabiltzeko. Eta % 84k ez dute sekula eusko bakar bat ere eurotan trukatzeko beharrik ukan.